Urtero edo maiztasun jakin batekin egingo dugun irakurketa kolektiboko ariketa bat da. Euskal Herriko egoera aztertuko dugu ikuspegi feministan oinarrituta. Batetik, urteko koiunturaren azterketa egingo du ikuspegi feministatik, eta, bestetik, Euskal Herria trantsizio feministan non kokatzen den aztertuko dugu. Euskal Herrian sustatu nahi dugun trantsizio feministaren egoera aztertzeko tresna bat izan nahi du; eta, era berean, trantsizio feminista bera definitzen eta elikatzen joango den tresna bat.

Euskal Herriaren trantsizio feminista aztertzeko eta bultzatzeko. Horretarako, urteroko gertakari nagusien azterketatik abiatuta urteko dosierrak osatzen ditugu, bi elementuri erreparatuz: emakumeongan duten inpaktua, eta Euskal Herriko trantsizio feministan dutena.

Ezkerreko emakume feminista, subiranista eta independentistak gara; jatorri, eremu eta borroka politiko ezberdinetatik gatozenak. Ez gara elkarte feminista bat, baina feminismotik eta ezkerretik eragin nahi dugu euskal estatu feminista eraikitzera eramango gaituen trantsizio-prozesuan.